શ્રી ચારણ (ગઢવી)સમાજ સેવા ટ્રસ્ટ રાજકોટ દ્વારા આયોજીત 31 મો સમુહ લગ્ન મહોત્સવ

શ્રી 1!

શ્રી ગણેશાય નમઃ આઈશ્રી સોનલ માં નમઃ

!! ચારણ સમાજ જોગ સંદેશ !!

       જય માતાજી

શ્રી ચારણ (ગઢવી)સમાજ સેવા ટ્રસ્ટ રાજકોટ દ્વારા આયોજીત 31 મો સમુહ લગ્ન મહોત્સવ 

દીકરીઓ ના ઘર આંગણે ભવ્ય થી ભવ્ય જાજર માન સમુહ લગ્ન મહોત્સવ 

સવિનય સાથ જણાવવા નુ કે દરેક ના માતા પિતા નુ એક સ્વપ્ન હોય છે કે પોતાના કાળજા ના કટકા અને વ્હાલ નો દરીયો એવી દિકરી ના લગ્ન ખૂબ જ ધામ ધુમ પૂર્વક કરે. પિતા દિકરી ના લગ્ન ખુબ જ સારી રીતે થાય તે માટે ખુબ જ મહેનત કરે છે. હાલ ના મોંઘવારી ના સમય માં દિકરી નો લગ્ન પ્રસંગ કરવો એક મધ્યમ વર્ગ ના પિતા માટે ખુબ જ કંઠીન અને મુશ્કેલી ભર્યુ કાર્ય છે.દિકરી ના પિતા ને આવી મુશ્કેલી ઓને શ્રી ચારણ (ગઢવી) સમાજ સેવા ટ્રસ્ટ રાજકોટ = રાજકોટ ના ટ્રસ્ટી ઓએ સમજણ પૂર્વક અને સમાજ ના સહયોગ સહકાર અતુટ ભાવના થી ઉકેલવા નો સહીયારો પ્રયાસ કરી છીએ. છેલ્લા (30) ત્રીસ વર્ષ થી દિવસે અને દિવસે વધતી કારમી મોંઘવારી અને મહામારી ના સમય માં ટ્રસ્ટ દ્વારા (27) સતયાવીસ મો સમુહ લગ્ન મહોત્સવ( 28)અઠયાવીસ સમુહ લગ્ન મહોત્સવ અને (29) ઓગણત્રીસ લગ્ન મહોત્સવ અને (30) ત્રીસ મો સમુહ લગ્ન મહોત્સવ યોજવામાં આવ્યો અને આ આયોજન મા ભવ્ય સફળતા મળી.

દરેક દિકરી નુ પણ સ્વપ્ન હોય છે કે તેના લગ્ન પોતાના પિતા ઘર આંગણે જ થાય. આ લાગણી ને ધ્યાન માં રાખી ને ટ્રસ્ટ દ્વારા (31)એકત્રીસ મો સમુહ લગ્ન મહોત્સવ દરેક દિકરી ના પિતા ઘર આંગણે યોજાય તેવુ સર્વ ટ્રસ્ટી ના વિચાર વિમર્શ મંતવ્ય થકી આયોજન કરવામા આવેલ છે.

શ્રી ચારણ (ગઢવી) સમાજ સેવા ટ્રસ્ટ રાજકોટ  

ચેરમેન શ્રી આલાભાઈ ભુવા ની યાદી જણાવે છે

મંત્રી:- દિલીપ ભાઈ બળદા મો.98244 59494

સહમંત્રી:-જયદેવભાઈ ઘાઘણીયા

મો.99245 24674

ખજાનચી:- હિતેશભાઈ ભારૈય લાંબા

મો 98245 81045

લગ્ન મહોત્સવ તારીખ 11/2/2027

મહાસુદ (5) વંસત પચમી

ગુરવાર ના રોજ નિરધારેલછે.

ફોર્મ વિતરણ લાભ પાંચમ થી તારીખ 13/11/2026 થી 23/11/2026 સુધી 

સમય તા.13અને 14 શનિવાર અને રવિવાર સવારે 9થી સાંજે 7 સુધી અને બાકી દિવસો મા ફક્ત સાંજે જ 5થી8 દરમિયાન ફોર્મ

 વિતરણ કરવામા આવશે જેની ખાસ નોંધ લેવી

 

દિકરી અને દિકરા ઓરીજીનલ અને ઝેરોક્ષ બને ડોક્યુમેન્ટ લાવવા ફરજીયાત છે

(1) સ્કૂલ લીવીંગ અથવા જન્મ તારીખ નો દાખલો 

(2) આધાર કાર્ડ /ચુટણી કાર્ડ 

(3) રેશનકાર્ડ

(4) પાસપોર્ટ સાઇઝ ના ફોટા બંનેનાબે બે (2) નંગ 

 દિકરી ના ફોટા સાડી હોવા ફરજીયાત છે.

ઓફિસ નુ સરનામુ:

સોનલ કૃપા

શ્રી ચારણ (ગઢવી) સમાજ સેવા ટ્રસ્ટ રાજકોટ 

બ્લોક નં. એચ- 3- 117-118

આંનદ નગર મેઈન રોડ ગાયત્રી મંદિર .બગીચા સામે રાજકોટ

આજે ભાદરવા વદ -૯ એટલે નાગદમણ અને રુકમણી હરણના રચિયતા સંત શિરોમણિ સાંયાજી ઝુલાની ૪૫૦ મી જન્મ જયંતી

આજે ભાદરવા વદ -9 એટલે નાગદમણ અને રુકમણી હરણના રચિયતા સંત શિરોમણિ સાંયાજી ઝુલાની ૪૫૦ મી જન્મ જયંતી છે.

ભારતમાં સનાતન વૈદિક ધર્મની ભક્તિ પરંપરાનું જતન આપણા સંતો, ભક્તો અને કવિઓએ કર્યું છે. મધ્યકાલીન ગુજરાતમાં વૈષ્ણવભક્તિ કેન્દ્રસ્થાને છે. ભારતીય મૂલ્યો અને સંસ્કૃતિના વાહકો તરીકે આપણા સંતોનું યોગદાન અનન્ય છે. આ પરંપરામાં ચારણ મહાત્મા ઇશરદાસજી અને ભક્તકવિ સાંયાજી ઝૂલાની કાવ્ય રચનાઓ વિશેષ આદરને પાત્ર બની છે.

ઇડર રાજ્યના ભિલોડા તાલુકાના લીલછા ગામના જાગીરદાર શીવધર્મી સ્વામીદાસજી ઝૂલાને ત્યાં સાંયાજી ઝૂલાનો જન્મ વિ.સ.૧૬૩૨ના ભાદરવા મહીનાની વદ નોમના દિવસે થયેલો. ભક્તિ સાંયાજી ઝૂલાને વારસામાં જ મળેલી.

વિક્રમના સત્તરમાં સૈકામાં ઇડર રાજ્ય ખૂબ પ્રભાવિ રાજ્ય હતું. સાંયાજી ઝૂલા ઇડર વિદ્યાભ્યાસ માટે ગયા ત્યાં સુલેમાન જમાદાર નામના મુસ્લીમ સજ્જને સાંયાજીને વિદ્યાભ્યાસની સગવડ કરી આપી તેમજ મહાત્મા હરિદાસજીના શિષ્ય પ.પૂ. ગોવિંદદાસજીની મુલાકાત કરાવી. સાંયાજીના વ્યક્તિત્વથી પ.પૂ. ગોવિંદદાસજી પ્રભાવિત થયા અને તેમણે સાંયાજીને પોતાના શિષ્ય બનાવ્યા. ગુરૂના સાનિધ્યમાં સાંયાજીને કૃષ્ણભક્તિનો રંગ લાગ્યો.

મધ્યકાલીન ચારણ કવિઓ ડિંગળ ભાષામાં કાવ્યો રચતાં હતા અને રાજદરબારોમાં રાજકવિ તરીકેની પદવી પ્રાપ્ત કરતા. સાંયાજી ઝૂલાને પણ ચારણત્વ ગળથૂથીમાંથી જ મળેલું. તે વખતના ઈડર રાજ્યના પ્રતાપી રાજા રાવ વિરમદેવ સાંયાજી ઝૂલાની કાવ્યપ્રતિભાથી પ્રભાવિત થયાં અને સાંયાજી ઝૂલાને લાખ પસાવથી સન્માનિત કરી રાજકવિની પદવી આપી. રાજસ્થાન અને ગુજરાતના રાજાઓમાં સાંયાજી ઝૂલાની ભક્તકવિ તરીકેની ખૂબ જ પ્રતિષ્ઠા થઈ.

ઇડર રાજ્યના પ્રતાપી રાજા રાવ વિરમદેવનું અવસાન થવાથી તેમના સ્થાને મેવાડના મહારાણા પ્રતાપના ભાણેજ અને રાવ વિરમદેવના નાનાભાઈ રાવ કલ્યાણમલ ઇડરની ગાદીએ બેઠા. તે અરસામાં સાંયાજી ઝૂલાએ તેમની ભક્તિસભર કાવ્ય રચનાઓ ‘રૂષમણી હરણ’ ‘નાગદમણ’ અને ‘અંગદ વિષ્ટિ’ લખી. સાંયાજીની આ ભક્તિરસથી ભરપૂર કાવ્યરચનાઓથી ઇડરના મહારાજા રાવ કલ્યાણમલ પ્રભાવિત થયાં અને તેમણે સાંયાજી ઝૂલાને લાખ પસાવથી સન્માનિત કરી કુવાવા ગામ શાસણ કર્યું. કુવાવા ગામની જાગીરી મળ્યા પછી સાંયાજીએ કુવાવા ગામ ફરતો ગઢ અને કુવો ચણાવ્યાં. પોતે વૈષ્ણવભક્ત હોઈ ગઢમાં શ્રી ગોપીનાથજીનું શીખર બંધ મંદિર ચણાવ્યું. દ્વારકાથી સોનામહોરો લઈને આવેલી સાંઢણીની સ્મૃતિમાં સાંઢપગલા ચણાવ્યા.

કુવાવાનો ગઢ, શ્રી ગોપીનાથજીનું મંદિર, સાંઢકુવો અને સાંઢણીના પગલાવાળો ઓટલો તેમજ કુવાવા ગામ શાસણ કર્યાનો શીલાલેખ આજે ય કુવાવા ગામમાં છે.

ભારતની મધ્યકાલીન ભક્તિ પરંપરામાં સંતો અને ભક્તકવિઓનું જીવન રહસ્યાનુભૂતિ અને ચમત્કારોથી ભરપૂર જોવા મળે છે. સાંયાજી ઝૂલાનું જીવન પણ એમાં અપવાદ નથી. તેમની કાવ્યપ્રતિભા, ઉત્કટ ભક્તિ અને ચમત્કારોથી ભરેલું જીવન લોકોમાં વિશેષ આદરને પાત્ર બન્યું હતું. કહેવાય છે કે ઇડર રાજદરબારમાં બેઠા બેઠા સાંયાજી ઝૂલાએ દ્વારકાના મંદિરમાં ભગવાનના વાઘા સળગેલા તે હોલવેલા.પાછળથી ઇડરના મહારાજાએ આ વાતની ખરાઈ પણ કરેલી. આવા અનેક ચમત્કારો ભક્તકવિ સાંયાજી ઝૂલાના જીવનમાં બનેલા છે. કૂવાવા ગામમાં સાંયાજીના વંશજો આજે પણ રહે છે અને દર વર્ષે ભાદરવા વદ નોમના દિવસે સાંયાજી ઝૂલાની જન્મજયંતી ધામધૂમથી ઉજવે છે.

ડૉ. દિલીપ ચારણ

ગુજરાત યુનિવર્સિટી

સંત શિરોમણિ સાંયાજી ઝુલાની મી જન્મ જયંતિ દિવસે કોટિ કોટિ વંદન 

           વંદે સોનલ માતરમ્

ચારણ સમાજનું ગૌરવ શ્રીજયરાજદાન ગઢવી સાહેબ

અભિનંદન સંદેશ

"સમગ્ર ચારણ-ગઢવી સમાજનું ગૌરવ અને કર્મનિષ્ઠ પોલીસ અધિકારી, આદરણીય જયરાજસિંહ ગઢવી સાહેબને પી.એસ.આઈ. (PSI) થી પી.આઈ. (PI) તરીકેની બઢતી મળવા બદલ હાર્દિક અભિનંદન અને ખૂબ ખૂબ શુભેચ્છાઓ!

તમારી આ સફળતા અને સેવાભાવ આપણા સમાજ માટે પ્રેરણારૂપ છે. માં ભગવતી આપને ઉત્તરોત્તર પ્રગતિ અને સફળતાના નવા શિખરો સર કરવા માટે શક્તિ આપે, એવી પ્રાર્થના. ખૂબ ખૂબ અભિનંદન! 💐"

ચારણત્વ બ્લોગ.

સોનલ બીજ મહોત્સવ :- મહુવા દેવ પ્રયાગ

*આવતીકાલે નીચે પ્રમાણે ગામમાં આમંત્રણ પત્રિકા આપવા જવાનું હોય તો સૌ ભાઈઓ એ નીચે પ્રમાણે હાજર રહેવું.*

*ભાદરા*

આઈ શ્રી મીણબાઈ માં નેસ ભાદરા

સમય :- સવારે ૯ કલાક આસ પાસ 

*મોભીયાણા*

આઈ શ્રી ખોડીયાર મા મંદિર.

સમય સવારે ૯:૩૦ કલાક આસ પાસ 

*શારદીકા*

મોમાઈ માં મઢ

સમય :- સવારે ૧૦ કલાક આસ પાસ 

*મસુંદડા*

આઇશ્રી સોનલમાં મંદિર 

સમય :- ૧૦:૩૦ કલાક આસ પાસ 

*બાલાપર*

મનુભાઈ જીવાભાઈ સતીયા ના ઘેર.

સમય :- બપોર ના ૧૧ કલાક આસ પાસ 

*અમુલી*

આઈ શ્રી સોનલના નૂતન મંદિર.

સમય :- બપોર ના ૧૧:૩૦ કલાક આસ પાસ 

*મોદાળીયા*

આઈ શ્રી મોમાઈ માં મઢ 

સમય બપોર ૧૨:૧૫ કલાક આસ પાસ 

*ચોંટેલી*

રાણાભાઇ કાનાભાઇ ગોખરુ ના ઘેર.

સમય ૧:૩૦ કલાક આસ પાસ 

*સલડી*

દાદાભાઈ ગોવિંદભાઈ ભીમાણી ના ઘેર.

સમય :- બપોર ના ૨ કલાક આસ પાસ 

*ટોળ*

આઈ શ્રી સોનલના મંદિર.

સમય :- બપોર ના ૨:૩૦ કલાક આસ પાસ 

*સાત નેસડા*

આઈ શ્રી વરેખણ માં મંદિર.

સમય બપોર ના ૩:૧૫ કલાક આસ પાસ 

કાળેલા

આઈ શ્રી સોનલના માં મંદિર.

સમય સાંજે ૫:૩૦ કલાક આસ પાસ 

ખાસ નોંધ :-

સમગ્ર પ્રવાસ દરમિયાન સમયમાં થોડો ઘણો ફેરફાર થઈ શકે છે 

માટે તે રીતે સૌ ભાઈઓ એ પ્લાનિગમા રહેવું.

કોઈપણ માહિતી માટે નીચેનો નંબર પર કોન્ટેક કરવો.

Mo.9687573577

ડો. રતન કંવર ગઢવી-ચારણ. ગુજરાત રાજ્યના ફૂડ અને ડ્રગ કમિશનર ની તરીકે નિમણૂક

ગઢવી સમાજનું ગૌરવ

ડો. રતન કંવર ગઢવી-ચારણ. (IAS)(આઈ.એ.એસ.)

ડો. રતન કંવર ગઢવી-ચારણ. ગુજરાત રાજ્યના ફૂડ અને ડ્રગ કમિશનર ની તરીકે નિમણૂક

ગુજરાત રાજ્યના ફૂડ અને ડ્રગ કમિશનર તરીકે રાજ્ય સરકાર દ્વારા એક મહત્વપૂર્ણ નિર્ણય લેવામાં આવ્યો છે. હાલના હેલ્થ કમિશનર ડો. રતન કંવર ગઢવી-ચારણ.ને ફૂડ અને ડ્રગ કમિશનરનો વધારાનો ચાર્જ સોંપવામાં આવ્યો છે. આ નિમણૂક સાથે, તેઓ રાજ્યમાં આરોગ્ય અને ખોરાક તથા દવા સંબંધિત તમામ બાબતોનું સંચાલન સંભાળશે. 

આ નિમણૂકથી રાજ્યના ફૂડ અને ડ્રગ વિભાગમાં નવા નેતૃત્વ હેઠળ કામગીરી વધુ વેગવાન બનશે તેવી અપેક્ષા રાખવામાં આવી રહી છે.

ડૉ.રતન કંવર ગઢવી-ચારણ એક કાર્યદક્ષ અને અનુભવી અધિકારી તરીકે જાણીતા છે. તેઓ હાલમાં આરોગ્ય વિભાગના કમિશનર તરીકેની જવાબદારી નિભાવી રહ્યા છે અને તેમના નેતૃત્વ હેઠળ અનેક મહત્વપૂર્ણ કાર્યો થયા છે.

તેમને ફૂડ અને ડ્રગ કમિશનરનો વધારાનો ચાર્જ સોંપવાનો નિર્ણય સરકાર દ્વારા એટલા માટે લેવામાં આવ્યો છે, જેથી આરોગ્ય અને ફૂડ-ડ્રગ વિભાગ વચ્ચે વધુ સુમેળ અને સંકલન જળવાઈ રહે. આ બંને વિભાગો સીધા લોકોના સ્વાસ્થ્ય સાથે જોડાયેલા હોવાથી, એક જ અધિકારીના નેતૃત્વ હેઠળ કામગીરી વધુ અસરકારક અને ઝડપી બની શકે છે. આનાથી ખોરાક અને દવાઓની ગુણવત્તા પર વધુ સારી રીતે દેખરેખ રાખી શકાશે.

નવા કમિશનર ડો. રતન કંવર ગઢવી-ચારણ. ગઢવી ચારણ પાસેથી મોટી અપેક્ષાઓ રાખવામાં આવી રહી છે. તેઓ ખોરાકમાં થતી ભેળસેળ, નકલી દવાઓનું વેચાણ અને અન્ય ગેરરીતિઓ સામે કડક કાર્યવાહી કરશે તેવી આશા રાખવામાં આવે છે. આ નિમણૂકથી રાજ્યના નાગરિકોને શુદ્ધ અને ગુણવત્તાસભર ખોરાક અને દવાઓ મળી રહે તે સુનિશ્ચિત કરવા પર વિશેષ ધ્યાન કેન્દ્રિત કરવામાં આવશે.

ડો. રતન કંવર ગઢવી-ચારણ. ને ચારણત્વ બ્લોગ વતી ખૂબ ખૂબ અભિનંદન.💐🌸

ચારણ સમાજનું ગૌરવ :- મેઘા સંજયદાન ગઢવી

સત્યજીત ગઢવીએ પ્રથમ પ્રયત્ને જ પ્રથમ યાદીમા સિલેક્ટ થઇ MBBS મા પ્રવેશ મેળવ્યો છે. જેણે ભાવનગર પોલીસનુ અને ગઢવી સમાજનુ ગૌરવ વધાર્યુ છે

સામાન્ય રીતે લોકો પોલીસને ધૃણા ની નજરે જોતા હોય છે કેમકે એને કાયદાનુ પાલન કરાવવાનુ હોય છે. લોકોને કાયદાનુ પાલન કરવું ગમતુ નથી. 

દિવાળીના લોકો ફટાકડા ફોડતી વખતે દાઝી ન જાય તે માટે પોલીસ ખડેપગે બંદોબસ્તની ફરજ બજાવે છે. બરાબર તે જ સમયે તેનો પરિવાર અને બાળકો પોલીસ લાઇનમાં પતિ અને પિતા વગરની દિવાળી મનાવતા હોય છે. 

પોલીસ ક્યારેય પોતાના બાળકોને તેના અભ્યાસમા મદદ કરી શકતો નથી તેના શિક્ષણની પ્રગતિ વિશે જાણવાનો તેને પુરતો સમય મળતો નથી. બાળકો સુતા હોય ત્યારે ડ્યુટી પર જાય છે અને રાત્રે સુઇ ગયા હોય ત્યારે ઘેર પરત ફરે છે. 

આવી પરિસ્થિતિમાં પણ આજે પોલીસ પરિવારના બાળકો UPSC અને GPSC કલીયર કરી ઉચ્ચ હોદ્દા પર સિલેક્ટ થાય છે. ગુજરાતમા ડાયરેક્ટ ડેપ્યુટી કલેક્ટર કે ડાયરેક્ટ ડીવાએસપી થયાના દાખલા છે. 

આવી જ રીતે મેડિકલ સાયન્સમાં પણ પોલીસના બાળકોએ કાઠુ કાઢ્યુ છે. 

આવો જ બનાવ ચારણ સમાજમા બન્યો ભાવનગર જિલ્લામાં પોલીસ વિભાગમાં ફરજ બજાવતા કુન્ચાલા ભિખુદાનભાઇ ગઢવીના પુત્ર સત્યજીત ગઢવીએ પ્રથમ પ્રયત્ને જ પ્રથમ યાદીમા સિલેક્ટ થઇ MBBS મા પ્રવેશ મેળવ્યો છે. જેણે ભાવનગર પોલીસનુ અને ગઢવી સમાજનુ ગૌરવ વધાર્યુ છે. એ બદલ સત્યજીત ને અને કુન્ચાલા પરિવારને ખૂબ ખૂબ અભિનંદન.. 🌹❤️

સ્કોલરશીપ વિતરણ - જુલાઈ 25

🙏 *સ્કોલરશીપ વિતરણ - જુલાઈ 25*🙏

*આઈ શ્રી સોનલમા એજ્યુકેશન એન્ડ ચેરીટેબલ ટ્રસ્ટ - રાજકોટ તેમજ શ્રી ઇન્દુબેન ધીરુભાઈ ગઢવી મેમોરિયલ ટ્રસ્ટ- રાજકોટ* સહયોગથી સમાજનાં સૌરાષ્ટ્રના વિદ્યાર્થીઓને તેમની મહેનતના સન્માન રૂપે સતત 11માં વર્ષે સ્કોલરશીપ આપવાના આવેલ.

🔹આ વર્ષે ટોટલ 163 વિદ્યાર્થીઓને જેમાં ધો. 10, ધો 12, ઉચ્ચ અભ્યાસ કરતા અને જરૂરિયાતમંદ પરિવાર ના બાળકો સહિત ને કુલ રકમ રૂ. 8,56,000 (આઠ લાખ છપ્પન હજાર ) ની સ્કોલરશીપ આપવામાં આવેલ.

 

🔹અગાઉના વર્ષોમાં (2014 થી 2024)આઈ શ્રી સોનલમા એજ્યુકેશન એન્ડ ચેરીટેબલ ટ્રસ્ટ તેમજ શ્રી ઈન્દુબેન ધીરુભાઈ ગઢવી મેમોરિયલ ટ્રસ્ટના સહયોગથી *કુલ રૂ.33, 92,000 (તેત્રીસ લાખ બાણ હજાર)* ની સૌરાષ્ટ્ર અને કચ્છના વિદ્યાર્થીઓને સ્કોલરશીપ આપવામાં આવેલ 

તેવું બંને ટ્રસ્ટ ની યાદી માં જણાવેલ છે.

ચારણ - ગઢવી સમાજનું ગૌરવ

ચારણ - ગઢવી સમાજનું ગૌરવ

રાજ્યમાં પોલીસ દળમાં ફરજ બજાવતા નીચે જણાવેલ ચારણ - ગઢવી સમાજના અધિકારીશ્રી ઓ ને પોલીસ સબ ઇન્સ્પેકટર (બિન હથિયારી) વર્ગ-૩ ના ઓ ને પોલીસ ઇન્સ્પેક્ટર (બિન હથિયારી) વર્ગ-૨ બઢતી મળેલ છે.

શ્રી જબર કમલેશભાઈ ગઢવી

શ્રી હિરેનસિંહ બલરામસિંહ ગઢવી

શ્રી દિનેશ ભગવતસિંહ ગઢવી

સુ.શ્રી આશા મંજુદાન ચારણ

સુ.શ્રી મમતાબેન દજુસિંહ ગઢવી

બઢતી મળેલ દરેક અધિકારીશ્રી ઓ ને ચારણત્વ બ્લોગ વતી ખૂબ ખૂબ અભિનંદન 💐💐💐

શ્રીમતી વિણાબેન દિલીપદાન ગઢવી (MSC, MED)ને વર્લ્ડ વાઈડ બુક ઓફ રેકોર્ડસ મા સ્થાન પામવા બદલ ખુબ ખુબ અભિનંદન.

ઈડર ની શ્રી કે.એમ.પટેલ વિદ્યામંદિર, ના ઉચ્ચતર માધ્યમિક વિભાગમાં રસાયણ વિજ્ઞાનના શિક્ષક તરીકે ફરજો બજાવતા

શ્રીમતી વિણાબેન દિલીપદાન ગઢવી 

(MSC, MED)

ને વર્લ્ડ વાઈડ બુક ઓફ રેકોર્ડસ મા સ્થાન પામવા બદલ ખુબ ખુબ અભિનંદન.

વીણાબેને સરકારશ્રી ના

સ્વચ્છતા હિ સેવા

કાર્યક્રમ અંતર્ગત પ્લાસ્ટિક મુક્ત ભારત અભિયાન ચલાવ્યું હતું.

જેમાં શાળા ના વિદ્યાર્થીઓ પાસે શાળા મેદાન અને શાળા બહાર પણ પડેલી પ્લાસ્ટિક ની ખાલી બોટલો અને કોથળીઓ એકત્રિત કરી અને રિસાયક્લિંગ માટે આપી હતી. 

આમ શાળા અને શાળા આસપાસ ના વિસ્તાર ને પ્લાસ્ટિક અને પ્રદૂષણ મુક્ત બનાવવા બદલ 

વીણાબેન દિલીપદાન ગઢવી ને 

તારીખ ૨૯/૧૨/૨૪ રવિવાર ના રોજ 

વર્લ્ડવાઈડ બુક ઓફ 

રેકોર્ડસ માં સ્થાન પ્રાપ્ત કરવા બદલ સર્વ શિક્ષા અભિયાનના ભૂતપૂર્વ સચિવ 

શ્રી મહેશભાઈ મહેતા સાહેબ અને 

માધ્યમિક શિક્ષણ બોર્ડના મદદનીશ સચિવ

શ્રી પુલકિતભાઈ જોશી સાહેબ

ના હસ્તે પ્રમાણપત્ર અને મેડલ એનાયત કરવામાં આવ્યા હતા.

જેથી શાળાના આચાર્ય 

શ્રી કિરણકુમાર જે પટેલ સાહેબ

અને શાળા સંચાલક મંડળે 

વીણાબેન ડી.ગઢવી ને ખુબ ખુબ અભિનંદન પાઠવ્યા હતા.

શ્રીમતી વીણાબેન ગઢવી ને ખુબ ખુબ અભિનંદન તથા ઉત્તરોત્તર ખૂબ જ પ્રગતિ કરો તેવી શુભેચ્છાઓ.....

પરિવારની પાંખો થકી, ચારણની દીકરીએ ઊંચી ઉડાન ભરી; GPSC ની પરીક્ષા પાસ કરી ખંભાળીયાના દેવલબેન ગઢવી બન્યા TDO

પરિવારની પાંખો થકી, ચારણની દીકરીએ ઊંચી ઉડાન ભરી; GPSC ની પરીક્ષા પાસ કરી ખંભાળીયાના દેવલબેન ગઢવી બન્યા TDO

ગુજરાત જાહેર સેવા આયોગ (GPSC) દ્વારા 26 જગ્યાઓ માટે TDO ક્લાસ 2 ની પરીક્ષા લેવામાં આવી હતી જેમાં જામ ખંભાળિયાના મૂળ રહેવાસી અને હાલ ગાંધીનગર રહેતા શ્રી દેવલબેન શામરાભાઈ કારીયા ક્લાસ 2 અધિકારી તરીકે પસંદગી પામ્યા છે. લગ્નના 2 વર્ષ પછી સાસરે જઈને બેને તૈયારી કરી અને ખુબ જ કઠિન ગણાતી પરીક્ષા પાસ કરી આજે અધિકારી બન્યા છે અને અન્ય મહિલાઓને પ્રેરણા પૂરી પાડી છે. સમગ્ર ગઢવી સમાજ સહિત દેવભૂમિ દ્વારકાનું ગૌરવ વધારવા બદલ ખુબ ખુબ અભિનંદન. 💐💐💐

હમીરભાઈ ગઢવી ને ખૂબ ખૂબ અભિનંદન

હમીરભાઈ ગઢવી ને ખૂબ ખૂબ અભિનંદન 💐💐💐

ભાવનગર જિલ્લા કલેકટર સાહેબ શ્રી દ્વારા શ્રી હમીરભાઇ ગઢવી ( મહુવા તાલુકા ભાજપ ઉપ પ્રમુખ) ને જિલ્લા એટીવીટી કાર્યવાહક સમિતિના સભ્યશ્રી તરીકે નિમણૂક કરવામાં આવેલ છે

તે બદલ હમીરભાઇ ગઢવી ને ખૂબ ખૂબ અભિનંદન 💐💐💐

 સાથે આપ રાજકીય અને સામાજિક ક્ષેત્રે ખૂબ જ સફળતા મેળવો એવી માં સોનલ ને પ્રાર્થના 💐💐💐

આઈશ્રી સોનલમા એજયુકેશન એન્ડ ચેરીટેબલ ટ્રસ્ટ રાજકોટને મળ્યુ રૂા.૫૦ લાખનું અનુદાન.

આઈશ્રી સોનલમા એજયુકેશન એન્ડ ચેરીટેબલ ટ્રસ્ટ રાજકોટને મળ્યુ રૂા.૫૦ લાખનું અનુદાન.

દાતા ઈન્દુબેન ધીરૂભાઈ ગઢવી મેમોરિયલ ટ્રસ્ટ, રાજકોટનો આભાર માનતા સોનલમા ટ્રસ્ટના ટ્રસ્ટીઓ.

એજયુકેશન-સ્કોલરશીપ, જરૂરિયાત મંદ પરિવારોના સહયોગ માટે  ભંડોળનો સદ્ઉપયોગ થશે

આઈશ્રી સોનલમા એજયુકેશન એન્ડ ચેરીટેબલ ટ્રસ્ટ રાજકોટ વર્ષોથી નિયમિતપણે એજયુકેશનલ, મેડિકલ, બ્લડ ડોનેશન કેમ્પ, જરૂરિયાત મંદ પરિવારોને અનાજકિટ સહાય, કારકિર્દી સેમિનાર, હરિરસ પાઠ, સમાજનું ત્રિમાસિક મુખપત્ર 'ચારણ સંસ્કૃતિ'નું નિયમિત પ્રકાશન, સમાજની ડિરેકટરી, લાયબ્રેરી અને સમાજ વાડીના સંચાલન જેવા વિવિધ સમાજ અને રાષ્ટ્ર ઉપયોગી કાર્યથી પ્રભાવિત થઈને ઈન્દુબેન ધીરૂભાઈ ગઢવી મેમોરિયલ ટ્રસ્ટ, રાજકોટના ટ્રસ્ટીઓએ રૂા.૫૦ લાખ આપવાનું નકકી થતાં આજરોજ(તા.૧૫/૯/૨૪) સમાજ વાડીએ બન્ને ટ્રસ્ટની મિટીંગ યોજાઈ હતી. જેમાં ઈન્દુબેન ધીરૂભાઈ ગઢવી મેમોરિયલ ટ્રસ્ટ, રાજકોટના પ્રમુખ શ્રી ચંદુભાઈ સાબાએ આઈશ્રી સોનલમા એજયુકેશન એન્ડ ચેરીટેબલ ટ્રસ્ટ, રાજકોટ ટ્રસ્ટના પ્રમુખશ્રી બાબભાઈ પાલિયાને બન્ને ટ્રસ્ટના મેનેજિંગ ટ્રસ્ટીશ્રી રામભાઈ જામંગની ઉપસ્થિતિમાં રૂા.૫૦ લાખની માતબર રકમનો ચેક અર્પણ કર્યો હતો. જેને ઉપરોકત મહાનુભાવો ઉપરાંત ઉપસ્થિત ટ્રસ્ટીશ્રીઓ રમેશભાઈ જાળગ, હરેશભાઈ આલગા, હેમુભાઈ બાવડા, મેહુલભાઈ જામંગે સહર્ષ શુભકાર્યને વધાવીને ઈન્દુબેન ધીરૂભાઈ ગઢવી મેમોરિયલ ટ્રસ્ટ, શ્રી ચંદુભાઈ સાબાનો આભાર માન્યો હતો.

 સંજોગોવસાત બહાર ગામ હોવાથી ઉપસ્થિત નહીં રહી શકેલ. સોનલમાના ટ્રસ્ટી અને ફૂલછાબ જનરલ મેનેજરે ફોન દ્વારા નિર્ણયને આવકારી અભિનંદન પાઠવ્યા હતા.

હવેથી બન્ને ટ્રસ્ટ એક થઈ જતા બધી જ પ્રવૃતિઓ સમાજ વાડીએથી થશે એટલે ઉકત ટ્રસ્ટના ટ્રસ્ટીઓનો આ ટ્રસ્ટમાં સમાવેશ કરતા આઈશ્રી સોનલમા એજયુકેશન એન્ડ ચેરીટેબલ ટ્રસ્ટ વિશેષ આનંદ અને ખુશી વ્યકત કરે છે. ટ્રસ્ટીઓની ટીમ મોટી થતાં સમાજ ઉપયોગી કાર્યો વધારે સારી રીતે આગળ વધારી શકાશે અને ભવિષ્યમાં વધુ વિસ્તારી શકાશે.

(ભાબભાઈ પાલિયા)

પ્રમુખ

(રામભાઈ જામંગ)

મેનેજીંગ ટ્રસ્ટ 

આઈશ્રી સોનલમા એજ્યુકેશન એન્ડ ચેરીટેબલ ટ્રસ્ટ-રાજકોટ

સમાજ પ્રેમી, યુવાનોના માર્ગદર્શક, સરળ વ્યકિત એવા ભાઈશ્રી શિવરાજભાઈ ગઢવી સાહેબ નેશનલ લો યુનિવર્સિટી બેંગ્લોર માંથી Master of Business Law પાસ કરેલ

સમાજ પ્રેમી, યુવાનોના માર્ગદર્શક, સરળ વ્યકિત એવા ભાઈશ્રી શિવરાજભાઈ ગઢવી સાહેબ નેશનલ લો યુનિવર્સિટી બેંગ્લોર માંથી Master of Business Law પાસ કરેલ

કેબીનેટ મંત્રી શ્રી કુંવરજીભાઈ બાવળીયા (જળ સંપત્તિ અને પાણી પુરવઠા અને ગ્રાહક સુરક્ષાને લગતી બાબતોનું કાર્યલાય) ના અધિક અંગત સચિવ તરીકે ફરજ બજાવતા અને મૂળ કચ્છ જિલ્લાના મુંદરા તાલુકાના ઝરપરા ગામના વતની શિવરાજભાઈ ધનરાજભાઈ ગીલવા (ગઢવી) સાહેબ એ *સરકારશ્રી ફરજ બજાવતા સાથે 2 વર્ષ પહેલા નેશનલ લૉ યુનિવર્સીટી, બેંગ્લોર ખાતે પ્રોફેશનલ કંટીન્યુઇન્ગ એજ્યુકેશન અંતર્ગત Master of Business Law નો અભ્યાસ શરૂ કરેલ હતો આ કોર્ષ LLM લેવલ નો હોય છે તથા business સ્પેશ્યલ કાયદાઓનો અભ્યાસ છે, આ કોર્ષ સફળતા પૂર્વક પૂર્ણ કરેલ છે. તેમજ આ કોર્ષની ડીગ્રી પ્રમાણપત્ર કોન્વોકેશન 22 સપ્ટેમ્બર ના રોજ બેંગ્લોર ખાતે યોજાશે જેમાં ડિગ્રી આપવામાં આવશે.*

શાળા સમયેથી જ તેજસ્વી વિધાર્થી હતા. આગળ જતાં 2011 માં GPSC ની પરીક્ષા પાસ કરી મામલતદાર તરીકે નિમણુંક થયેલ.

પ્રમાણિક કચ્છી અધિકારીની છાપ ધરાવતા અને કચેરીને લગતા પ્રજાના કામો કરવામાં હંમેશા શ્રેષ્ઠ કામગીરી કરનાર, સરળ વ્યકિત, વર્ષ 2016 મા ચૂંટણી પંચ, ગાંધીનગર દ્રારા બેસ્ટ મદદનીશ મતદાર નોંધણી અધિકારી (13-ડીસા) તરીકે રાજ્યપાલના વરદ હસ્તે સન્માનિત કરવામાં આવેલ.

અગાઉ પ્રાંત અધિકારી તરીકે પાલનપુર, રાધનપુર, જિલ્લા પુરવઠા અધિકારીશ્રી, મહેસાણા તથા ડીસા મામલતદાર તરીકે ફરજ બજાવી ખૂબ જ પ્રશંનીય કામગીરી કરેલ. હાલ ત્યાંના સ્થાનિક લોકો શિવરાજભાઈ ની કામગીરીને યાદ કરે છે. હાલે ગાંધીનગર સચિવાલય ખાતે કેબીનેટ મંત્રી શ્રી કુંવરજીભાઈ બાવળીયા (જળ સંપત્તિ અને પાણી પુરવઠા અને ગ્રાહક સુરક્ષાને લગતી બાબતોનું કાર્યલાય) ના અધિક અંગત સચિવ તરીકે ફરજ બજાવે છે.

શિવરાજભાઈ ગઢવી સાહેબને ખૂબ ખૂબ અભિનંદન સહ શુભેચ્છાઓ શુભેચ્છાઓ

         વંદે સોનલ માતરમ્

આઈ શ્રી સોનલ માં એજ્યુકેશન એન્ડ ચેરીટેબલ ટ્રસ્ટ દ્વારા સોનલમા એજયુકેશનલ એવોર્ડ' આપવા બાબત

સોનલમા એજયુકેશનલ એવોર્ડ

આઈમાના આદેશ અનુસારની ઘણી રચનાત્મક અને પરિણામ લક્ષી પ્રવૃત્તિઓ આઈશ્રી સોનલમા એજયુકેશન એન્ડ ચેરીટેબલ ટ્રસ્ટ, રાજકોટ કરી રહ્યું છે. અગાઉના વર્ષની જેમ આ વર્ષે પણ એજયુકેશન ક્ષેત્રે 'સોનલમા એજયુકેશનલ એવોર્ડ' આપવાનું નકકી કરેલ છે.

 જેમાં આ વર્ષે જે વિદ્યાર્થીઓએ ગુજરાત બોર્ડની ધો.૧૦ તેમજ ધો.૧૨ વિજ્ઞાન પ્રવાહ અને સામાન્ય પ્રવાહમાં સૌથી વધુ PR પ્રાપ્ત કરનાર સૌરાષ્ટ્ર-કચ્છના કોઈપણ ચારણ ગઢવી વિદ્યાર્થીને સોનલમા એજયુકેશન એવોર્ડ તથા રૂા. ૧૧,૦૦૦/- રોકડ પુરસ્કાર આપવામાં આવશે.

 આ માટે તા.૩૧/૦૭/૨૦૨૪ સુધીમાં છેલ્લી ૨૦૨૪ની પરીક્ષાની (૯૫ PR ઉપર માર્કસ હોય) તેવા વિદ્યાર્થીઓ માર્કશીટની ઝેરોક્ષ સાથે ઈન્દુબેન ધીરૂભાઈ ગઢવી મેમોરીયલ ટ્રસ્ટ, ૩૦૯-સૂર્યા આર્કેટ, હેડ પોસ્ટ ઓફિસ પાસે, બેંક ઓફ બરોડા પાસે, જયુબેલી ચોક, રાજકોટ - ઓફિસના સરનામે સાદા કાગળમાં પોતાનું નામ, સરનામું, મોબાઈલ નંબર સાથે અરજી કરવી.

 ટ્રસ્ટીઓની વ્યસ્તતાના કારણે કૃપા કરી ફોન પર સંપર્ક નહીં કરવા વિનંતી કરવામાં આવે છે.

 ખાસ પુછપરછ હોય તો

 (૧) મહેશદાન મોડ (૯૯૭૮૭૦૯૩૬૫)

 (૨) પ્રવીણભાઈ સોયા(૯૪૨૬૯૭૭૮૦૧) 

પર કોન્ટેક કરવો.

ઈન્દુબેન ધીરૂભાઈ ગઢવી મેમોરિયલ ટ્રસ્ટ, રાજકોટમાં જે વિદ્યાર્થીએ સ્કોલરશીપ માટે અરજી કરેલ હોય તેમણે ફરીથી અરજી કરવાની રહેતી નથી, તે ફોર્મની વિગત ધ્યાને લેવામાં આવશે.

ઇન્દુબેન ધીરૂભાઈ ગઢવી મેમોરીયલ ટ્રસ્ટ - રાજકોટ દ્વારા સ્કોલરશીપ વિતરણ

ચારણ ગઢવી વિદ્યાર્થીઓ જોગ

ઇન્દુબેન ધીરૂભાઈ ગઢવી મેમોરીયલ ટ્રસ્ટ - રાજકોટ દ્વારા સ્કોલરશીપ વિતરણ

દર વર્ષની જેમ આ વર્ષે પણ ચારણ ગઢવી સમાજનાં સૌરાષ્ટ્રના તેજસ્વી વિદ્યાર્થીઓને ઈન્દુબેન ધીરૂભાઈ ગઢવી મેમોરીયલ ટ્રસ્ટ, રાજકોટ દ્વા૨ા વર્ષ-૨૦૨૪/૨૦૨૫ના શૈક્ષણિક વર્ષ માટે સ્કોલ૨શીપ આપવાનું નકકી કરેલ છે જેમાં ધો.૧૦ તથા ધો.૧૨માં ગુજરાત બોર્ડમાં જે વિદ્યાર્થીઓને 80 PR થી વધુ માકર્સ મેળવેલ હોય તેમજ હાયર એજયુકેશન (મેડિકલ, સી.એ.,એન્જિનીયરીંગ તથા અન્ય)માં અભ્યાસ કરતા વિદ્યાર્થીઓને અ૨જી ફોર્મ *તા.૧૭/૫/૨૦૨૪થી વિતરણ કરવામાં આવશે.* જે ફોર્મમાં તમામ કોલમ ભરી માંગેલી વિગતો અને માર્કશીટની નકલ સાથે તા.૨૧/૫/૨૦૨૪ પહેલા ઈન્દુબેન ધીરૂભાઈ ગઢવી મેમોરીયલ ટ્રસ્ટ, ૩૦૯- સુર્યા આર્કેડ, ૧/૧૨-પંચનાથ પ્લોટ, બેંક ઓફ બરોડા પાસે, હેડ પોસ્ટ ઓફિસ નજીક, રાજકોટ સવારના ૧૦ થી ૧૨ વાગ્યા દરમ્યાન રુબરુ અથવા કુરિયર દ્વારા પહોંચાડવા અનુરોધ છે. ટ્રસ્ટના બજેટ મુજબ સ્કોલરશીપનું વિતરણ કરવામાં આવશે. ટ્રસ્ટીઓની વ્યસ્તતાના કારણે કૃપા કરી ફોન પર સંપર્ક નહીં કરવા વિનંતી કરવામાં આવે છે.

વચ્છરાજધામ છત્રાવા : સુવર્ણ જ્યંતી મહોત્સવ આમંત્રણ પત્રિકા

પ્રતીક અનિલભાઇ ગઢવીએ ભક્ત કવિ નરસિંહ મહેતા યુનિવર્સિટી, જૂનાગઢમાંથી ઇતિહાસ વિષયમાં “રાષ્ટ્રીય સ્વયંસેવક સંઘ” (સૌરાષ્ટ્ર પ્રાંત)નાં સેવાકાર્ય પર રિસર્ચ સાથે મહા નિબંધ પૂર્ણ કરી ડોક્ટરની પદવી પ્રાપ્ત કરી છે.

પ્રતીક અનિલભાઇ ગઢવીએ ભક્ત કવિ નરસિંહ મહેતા યુનિવર્સિટી, જૂનાગઢમાંથી ઇતિહાસ વિષયમાં “રાષ્ટ્રીય સ્વયંસેવક સંઘ” (સૌરાષ્ટ્ર પ્રાંત)નાં સેવાકાર્ય પર રિસર્ચ સાથે મહા નિબંધ પૂર્ણ કરી ડોક્ટરની પદવી પ્રાપ્ત કરી છે. 

28મી માર્ચનાં રોજ ડો. પ્રતીક ગઢવીને RSSનાં (પશ્ચિમ ક્ષેત્ર સંઘચાલક) ડો. જયંતિભાઇ ભાડેસીયાની અને કુલપતિ ડો. ચેતનભાઇ ત્રિવેદીની વિશેષ ઉપસ્થિતિ વચ્ચે સન્માનિત કરાયા. આ મહાનિંબધમાં પ્રત્યક્ષ માર્ગદર્શન પાઠવનાર ડો. વિશાલભાઇ જોશી પણ ઉપસ્થિત રહ્યા. 

આ મહા નિબંધમાં ડો. પ્રતીક ગઢવીએ આર.એસ.એસની સ્થાપના, શાખાનો પ્રારંભ, સંઘનાં વિવિધ કાર્યક્રમો અને આયામો, આર.એસ.એસનાં સેવાકાર્યો, ચીન અને પાકિસ્તાન સાથેનાં યુદ્ધ દરમિયાન આર.એસ.એસ દ્વારા પીડિતોને સહાય અને સેવા કાર્ય, કચ્છનાં ભૂકંપ વખતે હાથ ધરાયેલા સેવાકાર્યો, સૌરાષ્ટ્રમાં અતિવૃષ્ટિ અને અનાવૃષ્ટિ દરમિયાન કરાયેલા કાર્યો, પૂર અને વાવાઝોડા દરમિયાન કરાયેલી લોકસેવા, કોરોનાની મહામારી દરમિયાન કરાયેલી સેવા વગેરે મહત્વનાં પાસાને આવરી લીધી છે.

રાજકોટ ચારણ સમાજનું ગૌરવ કુ.મીરા કાનાભાઈ ગઢવી

રાજકોટ ચારણ સમાજનું ગૌરવ 

કુ.મીરા કાનાભાઈ ગઢવી

WEIGHT LIFTING, WRESTLING સ્પર્ધામાં માં ગોલ્ડ મેડલ મેળવીને પરિવાર સાથે સમાજનું ગૌરવ વધારેલ છે. 

કુ.મીરાને ખૂબ ખૂબ અભિનંદન સાથે ઉજ્વળ ભવિષ્ય ની શુભકામનાઓ 💐💐💐

ચારણ સમાજનું ગૌરવ: - ડો. ડિમ્પલ ગઢવી

હાર્દિક શુભકામના

માં મોગલ આઇ તથા કુળદેવી માં પીઠડ આઇની કૃપાથી *ચારણ સમાજનું ગૌરવ ડૉ. ડિમ્પલ બલભદ્રસિંહ ગઢવી* એ આયુર્વેદ ક્ષેત્રેમાં M.D. (Ayured Samhita and Siddhanta) ની માસ્ટર ડિગ્રી First Class પરિણામ સાથે પ્રાપ્ત કરેલ છે તે બદલ સમસ્ત બાટી પરિવાર ગૌરવ અનુભવે છે અને ડૉ. ડિમ્પલ ગઢવી ને ઉજ્જવળ ભવિષ્ય માટે આશિષ પાઠવે છે ....

શુભેચ્છક :-

ભગવતસિંહ ભલુદાન ગઢવી સ્વ. આનંદીબા ભગવતસિંહ ગઢવી બલભદ્રસિંહ ભગવતસિંહ ગઢવી જીગરદાન ભગવતસિંહ ગઢવી ગામ : કોલવડા જિલ્લો : ગાંધીનગર

*ઉતરોત્તર પ્રગતિ કરતા રહો , સફળતા ના શિખરો સર કરો એવી માં ભગવતીને પ્રાર્થના સહ ઉજ્વળ ભવિષ્ય ની મંગલ કામનાઓ 💐💐💐*

*ચારણત્વ બ્લોગ પર જોવા માટે :-*