ચારણત્વ

" આપણા ચારણ ગઢવી સમાજની કોઈપણ માહિતી,સમાચાર અથવા શુભેચ્છાઓ આપ આ બ્લોગ પર પ્રકાશિત કરવા માગતા આ વોટ્સએપ ન.9687573577 પર મોકલવા વિંનતી છે. "

Sponsored Ads

શનિવાર, 27 ફેબ્રુઆરી, 2021

આદરણીય શ્રી જબરદાન જી ગઢવી નિષ્ઠાવાન સમાજ સેવા

આજે વાત  આદિપુર કન્યા છાત્રાલય  ની  કરવી  છે  
સામાન્ય રીતે  દાતા  દાન  આપી દે  પછી એમની પાસેથી  બીજી  કોઈ  અપેક્ષા  ન રખાય... પણ  એક સ્વપ્ન  દ્રષ્ટા  સજ્જનદાતા  પોતાનું  સપનુ  શ્રેષ્ઠ રીતે  સાકાર  
 થાય એટલા માટે  કેટલી નિષ્ઠા થી પ્રયત્ન શીલ હોય છે  એના પ્રત્યક્ષ   દાખલાની વાત  કરવી છે.
  
છાત્રાલય માં  આમતો ગૃહમાતા ની નિમણુક કરવામાં આવી હતી  અને  તેમણે મર્યાદિત સંખ્યામાં  દિકરીઓ હસે  ત્યાં સુધી  રસોઇ બનાવી  આપવાની જવાબદારી  સ્વીકારી હતી  પણ  તે  બેન શ્રી  યોગ્ય  ન  જણાતા  તેમને છુટા કરવામાં  આવ્યા
   
 હવે દિકરીઓ ના  ભોજન  ની  નવો રસોયા ન  આવે ત્યાં સુધી  શું વ્યવસ્થા  કરવી  એવી  સમસ્યા  ઊભી થઈ  
 
પણ   જબરદાનભાઇ ( Jabardan Naranji Gadhvi ) કયાં  જવાબદારી  માંથી  પાછા  પડે એવા છે  તેમણે રોજ ભોજન પોતાના  ઘેર  તૈયાર  કરી  દિકરીઓ ને  જમાડતા  રહ્યા  પછી  રસોયા ની  નિમણુક કરવામાં આવી  પણ   કોઇ કારણ વસાત રસોયો આવી શકયો નંહી  પણ  હાર  માને  એ બીજા  
સીતેર વરસ ના આ જુવાને પોતાની શારીરિક  તકલીફો  ને  ભુલી  (જેમને પાણી આપવા માટે પણ ઘેર નોકર છે)
સાહેબ  રસોડા માં  પંહોચી ગયા ।" અપના હાથ  જગન્નાથ  "...પિતા  તરીકે  ની  ફરજો તો  તેઓ  અદકેરી રીતે  નિભાવતા જ હતા પણ  આજે  મા ની ભૂમિકા  પણ  બખૂબી  નિભાવી  
 
   આવા  ઉદાહરણો કદાચ કયાંય જોવા  નહીં મળે 
  જબરદાનભાઇ  ને  આ અંગે  પૂછ્યું  તો  કહે " કન્યા છાત્રાલય  મારું સ્વપન હતું એ સાકાર થતાં  મારા જીવનમાં  નવી ચેતના  નો સંચાર થયો છે આ છાત્રાલય  મારા માટે  મંદિર છે ને  તેમાં રહી અભ્યાસ  કરતી દિકરીઓ  મારે માટે  જગદંબા  છે  એમને  ભુખી થોડી રખાય"
પોતે લીધેલી જવાબદારી  પ્રત્યે  આટલી  નિષ્ઠા  વંદન છે  આપને  જબરદાનભાઇ  આપની  નમ્રતા  નિષ્ઠા  સરળતા અને  પરોપકારી  સ્વભાવ  ને  બિરદાવવા  શબ્દો  ઓછા પડે છે 
  
ભગવતી આપને  સ્વસ્થ  તંદુરસ્ત દીર્ઘાયુ  આપે  અને  આપના  હાથે જ્ઞાતિ હિત  અને માનવ સેવાના  વધુ  શુભ કાર્યો  સદા  થતા રહે  એવી મંગલકામના
A thought with conviction becomes a dream.
A dream with a plan becomes a vision.
A vision with dedication becomes reality.

સૌજન્ય :- શ્રી  મહિદાન ભાઇ ડી.ગઢવી 

શુક્રવાર, 26 ફેબ્રુઆરી, 2021

આજ રોજ રાજુલા અને જાફરાબાદ ના ચારણ - ગઢવી સમાજના પ્રમુખશ્રી ની સર્વાનુમત્તે વરણી કરવામાં આવેલ.


આજ રોજ રાજુલા અને જાફરાબાદ ના ચારણ -  ગઢવી સમાજના પ્રમુખશ્રી ની સર્વાનુમત્તે વરણી કરવામાં આવેલ.

આજ રોજ તા.૨૬-૨-૨૦૨૧ ના રોજ અમુલી ગામ ખાતે  ચારણ - ગઢવી સમાજની મીટીંગ યોજાયેલ જેમાં સર્વાનુમત્તે ભાઈશ્રી રમેશભાઈ લાભુભાઈ મુળીયા ની  રાજુલા, જાફરાબાદ ચારણ - ગઢવી સમાજના પ્રમુખશ્રી તરીકેની વરણી કરવામાં આવેલ છે. 
જે મીટીંગ માં ચારણ - ગઢવી સમાજના અલગ અલગ ગામના આગેવાનો ,વડીલો ,તેમજ અખિલ ભારતીય ચારણ - ગઢવી મહાસભા (યુવા) ના હોદેદારો તેમજ ભાદરા થી આઇશ્રી મીણબાઈમા ની પાવન ઉપસ્થિતિ રહી હતી.



*સંગઠન એજ સમાજ પ્રગતિ નો શ્રેષ્ઠ માધ્યમ છે*

           *વંદે સોનલ માતરમ*

સોમવાર, 22 ફેબ્રુઆરી, 2021

અમુલી ખાતે ચારણ સમાજની મીટીંગ નું આયોજન

ચાલો અમુલી ........ ચાલો અમુલી 🚩🚩🚩

સમય સમય બલવાન હૈ નહીં પુરૂષ બલવાન તેમ સમયે સમયે સમાજમાં પરિવર્તન લાવવુ તે આપણી સૌની નૈતિક ફરજ છે. હાલના સમય પ્રમાણે આપણા સમાજની એકતા,સંપ, અને જાગૃતિ હોવી ખૂબ જરૂરી છે.
આપણા જરૂરિયાત મંદ પરિવાર ને મેડિકલ ક્ષેત્રે તેમજ આર્થિક મદદરુપ બનવા હેતુસર એક નાનકડો પ્રયાસ કરેલ છે.
*તારીખ ૨૬-૨-૨૦૨૧ ને શુક્રવાર ના રોજ અમુલી ગામ ખાતે રાજુલા તાલુકાના  આપણા  ગઢવી સમાજની એક મીટીંગ નું આયોજન કરેલ છે*  તો આપ સર્વે  યુવાનો પોતાનો કિંમતી સમય ફાળવીને હાજરી આપશો તેવી અપેક્ષા.

આઈમા સોનલ એવું કેતા કે કોઈ ગામ જમાડે તો ગામ જમાડાઈ પણ કોઈ લાકડી મારે તો એને સામે લાકડી મારવાની ભાવના ના રખાઈ તેવી રીતે સમાજનું કોઈ સારું કાર્ય થતું હોય તો તેમાં બની શકે તેટલો સહકાર અપાઈ નહીં કે વિરોધ કરવો.

સ્થળ :- અમુલિ, તાલુકો :- રાજુલા 
તારીખ :- 26-2-2021 શુક્રવાર 
સમય :- ૩:૦૦ થી ૬:૦૦

Featured Post

આઈશ્રી સોનલ માઁ ચારણ સભા સંચાલિત શ્રી કાનજીભાઈ નાગૈયા કુમાર છાત્રાલય, ભૂમિ પૂજન, સામાજિક ચિંતન સભા આઈ આરાધના

આઈશ્રી સોનલ માઁ ચારણ સભા સંચાલિત શ્રી કાનજીભાઈ નાગૈયા કુમાર છાત્રાલય, ભૂમિ પૂજન, સામાજિક ચિંતન સભા આઈ આર...