|| अथ रासाष्टक चरचरी छंद ||
एक निशि शशि अति उजास प्रौढ शरद रतु प्रकाश रमन रास जगनिवास चित विलास किने मोरलिधुन अति रसाल गेहरे सुर कर गोपाल तान मान सुभग ताल मन मराल लिने व्रज त्रिय सुन भर उछाव बन ठन तन अति बनाव चितवत गत नूत उठाव हावभाव साचे हरिहर अज हेरहेर विकसत सुर बेरबेर फरगट घट फेरफेर नटवर नाचे ...(1)
ठेंठें बज त्रंबक ठोर चेंचें सरनायी सोर धेंधें बज प्रणव ढोल धेंधें बोले झुक झुक झुक बजत झंज टुक टुक मंजिर रंज डुक डुक उपंग चंग अति उमंग डोले द्रगडदा द्रगडदा पखाज थ्रगडदा थैथै समाज कडकडदा कडकडदा दुकड त्रुकट घन थट राचे हरिहर अज हेरहेर विकसत सुर बेरबेर फरगट घट फेर फेर नटवर नाचे...(2)
संतन अभिराम धाम क्रमत रमत भ्रमत काम प्रमत श्रमत नमत ग्राम वाम हाम लोभे अटन घटन अति उदाम थनगन तन ठाम ठाम तज विश्राम अति विभ्राम साम सुंदर शोभे जमुनाके नीर तीर खेलत बलवीर वीर चहुंवट थट सघट मीर कटि सुधीर काचे हरि हर अज हेरहेर विकसत सुर बेरबेर फरगट घट फेरफेर नटवर नाचे...(3)
झललल तन कांति झलक खललल भुज चुड खलक सललल जों हि वीज सलक भलक भाल साजे अटपट लट छूट अलक त्रट घट शुभ कीन तलक हटहटं घट त्रुगट हलक नट बिलास राजे तन तन प्रति सुगत तान जनजन मन एक जान क्रत उत मुख कान कान मान गान माचे हरिहर अज हेर हेर विकसत सुर बेरबेर फरगट घट फेरफेर नटवर नाचे...(4)
घममम घुघरु धमंक ठममम झंझर ठमंक धममम मम भु धमंक गत निशंक गावे झग झग झग झगमगाट थग थग थैथैय थाट नौतम पग द्रग निराट ललित नाट लावे लथबथ हथ गूंथ लीन पथ पथ पिय सथ प्रविन कथ कथ ग्रथ शेश कीन जुथ नविन जाचे हरिहर अज हेरहेर विकसत सुर बेरबेर फरगट घट फेर फेर नटवर नाचे...(5)
नौतम छबि नंदनंद मुख सुहास मंदमंद दंपतिजुत द्वंद द्वंद जगत वंद डोले विनता सुर व्रंदव्रंद निरखत आनंद कंद गति अति स्वच्छंद छंद जय जय बोले जुगलित कर जोर जोर ठमक झमक ठोरठोर विमल तान तोर घोर मोरली वाचे हरिहर अज हेरहेर विकसत सुर बेरबेर फरगट घट फेरफेर नटवर नाचे...(6)
लख छबि सुरपति लजीत गुह्य गान तान गीत पिये प्रिया सहित प्रीत समरजीत शोभे रमत भ्रमत अजब रीत चकित झुकित थकित चीत ललित हलित मलित लीत निरख मीत लोभे लुंब जुंब एक लगन विमलित द्रग जात विघन तक तक चक होत तगन प्रौढ मगन प्राचे हरिहर अज हेर हेर विकसत सुर बेरबेर फरगट घट फेरफेर नटवर नाचे...(7)
तत तत तत होत तान अचुंबित गत आन आन धुरजटि घट छुटत ध्यान कान बान सुनते गेहरि धुन होत गान मंगल सुर मान मान भुल भान खान पान प्रान जान भनते धिधिकट नूत धार धार त्रि मित तहां सतार तार ब्रम्हानंद वारवार चरनन चित राचे हरिहर अज हेर हेर विकसत सुर बेरबेर फरगट घट फेरफेर नटवर नाचे...(8)
रचना~ ब्रह्मानंद स्वामि (लाडुदानजी)
टायपिंग~धर्मेश गाबाणी
ટિપ્પણીઓ નથી:
ટિપ્પણી પોસ્ટ કરો