ચારણોનું કર્મ શું હતુ તે સમજાવતી એક કવિશ્રી કાગબાપુની રચના

*ચારણોનું કર્મ શું હતુ તે સમજાવતી એક કવિશ્રી કાગબાપુની રચના*

                   *એ ચારણનું કર્મ હતું*

છંદ - ત્રીભંગી

સત્ ઉચ્ચરવાનું, તપ કરવાનું એ ચારણનું કર્મ હતું 

                જી, એ ચારણનું કર્મ હતું  (ટેક)

ઈર્ષા કરવાનું મદ ધરવાનું , માગણ વ્રુત્તિએ ફરવાનું ;

પર ધન હરવાનું , સંઘરવાનું , ભીખે ઉદર ભરવાનું ;

ઘર ઘર ફરવાનું કામ વિનાનું , દેવી બાલકમાં ન હતું.

સત્ ઉચ્ચરવાનું, તપ કરવાનું એ ચારણનું કર્મ હતું  (1)   

સદગુણ સમજવાનું , હરિ ભજવાનું , ગાન મનોહર ગાવાનું ;

ઈતિહાસ કથા , શુભ રાજ પ્રજાની, સમજીને સમજાવાનું ;

આલસ તજવાનું , સુપથ થવાનું , શીલયુક્ત દ્રઢ સુત્ર હતું ;

સત્ ઉચ્ચરવાનું, તપ કરવાનું એ ચારણનું કર્મ હતું (2)

મન સબર વિનાનું , પશુ -પંખીની , કબર ઉદરમાં કરવાનું ,

દારુ પીવાનું ભાંગ મફર ને, અફીણ કદી કર ધરવાનું ,

ઝોંકા ખાવાનું , તસગરવાનું , દેવ તણે અંગે ન હતું, 

સત્ ઉચ્ચરવાનું, તપ કરવાનું એ ચારણનું કર્મ હતું (3)

ઈશ્વરથી ડરતા, પર દુ:ખ હરતા , માત્રુભુમિ માટે મરતા,

સાચું કરતાં મુખ ઉચ્ચરતાં, મન મહિપતિથી ન જરા ડરતાં,

ત્રંબાલ ગગડતાં , સન્મુખ મરતાં, મન કાયર એનું ન હતું,

સત્ ઉચ્ચરવાનું, તપ કરવાનું એ ચારણનું કર્મ હતું (4)

લંપટ બનવાનું, હડતડવાનું,ગોત્રજ ગરદન કરવાનું,

ચાડી ખાવાનું, નહિ ના'વાનુ, કુટુંબકલેશ આદરવાનું,

આમંત્રણ વિણ પર ઘર જાવાનું, કદીયે દિલ એનું ન થતું,

સત્ ઉચ્ચરવાનું, તપ કરવાનું એ ચારણનું કર્મ હતું (5)

નિજ વંશ વિચારી , ગૌરવ ધારી, પ્રિય ત્રીપુરારિ સંસ્કારી,

કવિતા પરચારી, પર ઉપકારી, દક્ષ વિચારી દાતારી;

એવા અવતારી ચાપણ ભારી, *"કાગ"* નિરખવા દિલ થતું

 સત્ ઉચ્ચરવાનું, તપ કરવાનું એ ચારણનું કર્મ હતું (6)

*રચના :- કવિશ્રી દુલાભાયા કાગ (ભગતબાપુ)*